The Vodafone rōpū arrive at Ōrākei Marae (Photographs: Zico O’Neill-Rutene)

PartnersSeptember 14, 2021

Ngā pānga ki te ao pakihi i Aotearoa i te aronui ki te ao Māori

Contributing writer

The Vodafone rōpū arrive at Ōrākei Marae (Photographs: Zico O’Neill-Rutene)

I Ōrākei Marae, e whakaako ana ngā kaiako o Te Kaa i ētahi rōpū nō ētahi kamupene huri noa i Aotearoa me pēhea e whai māramatanga ai, e whai hononga anō ai ki te ahurea Māori i runga hoki i te ngākau pai.

Read the English language version of this story here.

He rau kōrero mō te hītori matatini o Aotearoa e puritia ana i te whenua rongonui o Takaparawhau. He poto noa te hīkoi ki Ōrākei Marae i te pito whenua i nōhia mautohetia ai a Takaparawhau e ngā uri Māori, ko tō rātou mana ki te whenua te take, i te tohe i roa ake i te 500 rā e haere ana, i tōna whā tekau tau ki muri. I te marae, i tētahi rangi paki i te Ākuhata, kua huihui tētahi rōpū ki te ako mō te hiranga nui o ēnei tū kōrero ki ō rātou tuakiri hei uri o Aotearoa, ki tētahi hōtaka i whakaritea ai e tētahi wahine i whānau atu ki taua noho whenua.

I te hiku o ngā rangi kōpeke o te hōtoke, kākahuria ana te manuhiri ki ngā kahu matatengi i te ata, tōmua i te kārohirohi o te rā ki ngā wai o te Waitematā. Ka tae ki te wā e tīmata ai te pōwhiri, ko ngā koti kua whakairia ki ngā ringa, kua whakahokia rānei ki ngā waka.

I te tomokanga ki te marae ātea, ka tū te mātenga o te toa, ka tīmata i a ia te wero.

Vodafone CEO Jason Paris accepts the taki laid by Malcolm Kerehoma (Photography: Zico O’Neill-Rutene)

Tū tauaro ana ki a ia ko te Tumu Whakarae o Vodafone, ko Jason Paris (Ngāi Tahu), e whakatika ana ki te tiki ake i te taki i Ōrākei Marae, nōna e ārahi ana i tana kāhui māngai o Vodafone ki te pōwhiri nei. Ki ētahi, he wheako hōu tēnei, otirā, he wheako e manawarau ai rātou. Koinei te otinga o tētahi wānanga e rima rā te roa, kua tapaina ko Te Kaa – Igniting your Māori Cultural Competency. I tū te wānanga nei i ngā marama e rima kua hori, otirā, e arahina ana e Maurea Consulting, he whakahaere i tīmataria e Precious Clark (Ngāti Whātua, Waikato, Te Uri o Hau, Ngāti Hē, Ngāti Pāoa, Pākehā). He hōtaka tēnei mā ngā whakahaere o te motu, otirā, kua whakaritea hei kaupapa ārahi i te tangata kia whai māramatanga ai, kia whai hononga anō ai ki te ahurea Māori i runga i te ngākau pai. Ka pēnei mā te ako mō ngā tikanga Māori, mō te reo Māori, mō te hītori matarau anō o te Māori ki Aotearoa – otirā, ka ākina ngā whakahaere ka whai wāhi atu, kia whakaarohia te ahurea Māori nō rātou e whiriwhiri ana i ngā whakatau ā-pakihi.

“Kua whakaritea a Te Kaa e whai wāhi ai te tangata ki te ao Māori, otirā, e piki ai te māramatanga ki tēnei ao, kia kawea ai ki te ngākau, ki te hinengaro, ki te puku anō o te tangata. Ki a au, ka kawea ana te mātauranga ki tō puku, ka whai wāhi motuhake hoki ki a koe, ki ō whiriwhiringa whakatau anō,” ko tā Precious.

Nō Precious e noho ana, e mahi ana anō i tāwāhi, ka mārama ia ki te arokore o te nuinga i Aotearoa ki tōna ahurea.

“I haere au ki Rānana, ā, aronuitia ana taku ahurea e te ao, heoi, hoki mai ana ki Aotearoa, kīhai i pērā i te kāinga nei. I kite ake au, huri noa i te ao, i aronuitia te ahurea Māori. Ki te aronuitia tētahi mea e koe, kāhore koe e kaha ki te turaki iho. Nā reira, i taku hokinga mai ki te kāinga, i hiahia au ki te whai wāhi ki ngā whanaketanga e whakanuia ai te ahurea Māori.”

Nā, i tana hokinga mai ki Aotearoa, ka whai pau te kaha a Precious kia whakatairangahia ai ngā ātaahuatanga o te ao Māori ki ngā tāngata kei konei kē e noho ana. E whakapono ana ia ka huakina tētahi ao hōu ki te whakaae te tangata ki te ako e pā ana ki tā te iwi taketake noho ki tēnei ao, ka mutu, e nui haere ana ngā uri o Aotearoa e pīkau ana i tēnei utanga.

“E whai nei ngā uri o Aotearoa kia hōhonu ake tā rātou whakaahua i ō rātou tuakiri, ā, kei te ahurea Māori te ara e taea ai. Mā te pepeha e taea ai e te tangata tōna tuakiri motuhake me ōna anō wheako ā-rongo hei uri o Aotearoa, te whakaatu ake. Nā reira ka kite ake au i te whanaketanga o te māramatanga, o tā te tangata aro anō ki te ahurea Māori.”

Precious Clark and Vodafone’s Tom Thursby share a hongi (Photography: Zico O’Neill-Rutene)

Mangu pai ana ngā akoranga reo Māori i ngā kura tuarua me ngā whare wānanga i ngā ākonga nui katoa i ngā tau tata nei. He hua tēnei nō ngā whakapaunga kaha kia nui ake ai te hunga kōrero Māori, a ngā whakahaere pēnei me Te Rangaihi Reo Māori, otirā, rātou e whai ana kia tutuki te whāinga kia kotahi miriona te nui o te hunga kōrero Māori hei te tau 2040.

Hanga pēnei anō ana te whāinga o Te Kaa: e whai nei rātou kia 10,000 ngā tāngata ka puta ngā ihu i tā rātou wānanga ahurea Māori, me te aha, kua oti kē tā rātou ārahi i ētahi kāhui nō ētahi o ngā kamupene nui katoa o Aotearoa ki tēnei hōtaka.

E rima ngā wāhanga o te wānanga nei, kotahi hoki te rā e whakaakona ai ia wāhanga. I te nuinga o te wā ka whakahaerehia ēnei wāhi wānanga ki te whare mahi ake o te kamupene i mua atu i te wānanga whakakapi ka tū ki Ōrākei Marae. He nui ngā rōpū ka whai wāhi ki tēnei kaupapa ka ohorere i te rā ka pau i ngā akoranga mō Te Tiriti o Waitangi.

“Ko ngā uri o Aotearoa, ahakoa Māori mai, Pākehā mai, Āhia mai, katoa, katoa e kimi nei i tētahi tūrangawaewae mō rātou. Ka kite ake rātou, i matakitea ai tō rātou taenga mai e te Tiriti, me te aha, mā konei hoki rātou e whai tūrangawaewae ai,” ko tā Precious.

Tōpū mai ana ki te rōpū nō Vodafone Aotearoa kua hui mai i tēnei rā ko ētahi o ngā rangatira o te kamupene, tae atu ki te Tumu Whakarae, ki a Jason Paris, rātou ko te tumu o te whatunga whai wāhi ā-pūrere kawekawe, ko Thaigan Govender, ko te tumu o te ohu Pūmanawa Tangata – wheako tāngata, ko Emma Kelly (Ngāi Tahu, Ngāti Kahungunu). Ko tā Thaigan he whakahaere i ngā mahi waihanga, tautiaki anō i ngā hanganga ā-pūrere kawekawe – pēnei me ngā pourewa waea pūkoro – mō te whatunga a Vodafone. Nā tēnei, he nui ngā wā kua mahi ngātahi tana tīma ki ngā iwi kia wānanga tahitia ai ngā whakamahinga whenua, heoi, nā Te Kaa i miramirahia ai te hiranga nui o tēnei momo wānanga tahi.

“Nā runga i te mōhio e pāpā ana mātou ki ngā taonga, otirā, ki te whakapapa, ki te taiao anō, me mātua wānanga tahi me te tangata whenua,” ko tāna.

Thaigan Govender, Vodafone head of mobile access network shares his mihimihi (Photography: Zico O’Neill-Rutene)

I tupu ake a Thaigan hei uri nō tōna whānau Īnia, ki Āwherika ki te Tonga i te wā o te whakatāuke tangata. Ko tāna, kua mātau ia i āianei nā ki ētahi o ngā ritenga i waenga i te ao i rangona ai e ia i reira, me ngā wheako o te Māori i Aotearoa. Ko ngā kōrero i whakapuakina ki te wānanga e ngā uri mana whenua pēnei i a Precious, tērā i whānau mai i te nōhanga mautohe o Takaparawhau, hei mea whakamārama i ngā taimahatanga pono o te tāmitanga, he mea tauhou katoa ki ētahi mema maha o te rōpū.

“Ko te momo o tā te rangatira Māori ārahi, ko te aro ki ngā taimahatanga kua rangona e te tangata he āhuatanga i tino titia ki taku ngākau,” ko tā Thaigan. “I hōhonu noa atu te ruku i tāku i pōhēhē ai, ā, nā runga i tērā i pupū ake aku kare ā-roto, inā hoki, i rite tonu te tōia atu o taku aro ki te taimahatanga, otirā, ki te oke.”

Nā te wānanga i whai wāhi ai a Emma ki te whai māramatanga ki tōna tūranga i te ao Māori, ā, nā konei hoki i mārama kehokeho ai, ehara i te mea ka taurite te āhua e rangona ai e te katoa i Aotearoa ngā wero o te wā. He wāhi ka taea e tātou katoa e rongoātia ai tērā, ko tā Emma. Nā Te Kaa i mārama ake ai ia ki te wāhi ka taea e ia, hei kaiārahi i tētahi tīma ka whakarite i tētahi ahurea mahi, ehara i te mea e tuwhera noa ana ki te kaimahi Māori, engari kē, e haumaru ake ana mō rātou, ā, he nui ake hoki ngā hua ki a rātou.

“Kei te ohu tāngata ahau, nō reira ki a au, ko tā mātou he tuku kia haere te tangata i tāna anō haere ki te whai mātauranga,” ko tā Emma. “Ko te whai kia whakaritea he taiao i Vodafone e mārama ai mātou ki te hiranga nui o tērā momo haerenga, otirā, ko te tuku kia whai wāhi atu te tangata – ehara noa tēnei i te whakawātea i a rātou, engari kē, ko te tautoko atu hoki i te taha wairua me te taha hinengaro – e rangatira ai tā te tangata takahi i tēnei huarahi.”

Emma Kelly, head of HR people experience (Photography: Zico O’Neill-Rutene)

I ngā rā e rima e noho ai tētahi rōpū ki a Te Kaa, ka whai wāhi rātou ki ētahi akoranga e rima ki te ao Māori, ā, kapia ana i ēnei ko ngā kaupapa pēnei me te Tiriti, otirā, e aro nui ana ki te āhua e whai hua ai rātou i te mātauranga Māori i ā rātou mahi, i ngā rā anō o ō rātou ao. Ko tā te kaiako, kaiwhakahaere hoki o Te Kaa, ko tā Carlin Shaw (Ngāti Toa Rangatira, Ngāti Koata, Ngāti Raukawa, Tainui-ā-Whiro, Te Waiohua, Taranaki, Te Āti Awa, Te Arawa, Ngāti Whakaue) e nui haere ana ngā whakahaere e mātau ake ana ki te wāhi nui o te mātauranga Māori ki tō rātou anō angitutanga.

“Mēnā e pēnei ana te nui o ngā whanaketanga me ngā panonitanga o tētahi kamupene pēnei i a Vodafone, e tika ai, e pono anō ai tana aro ki te ao Māori, e hīamo katoa ana au ki te kite ko wai atu hoki ka whai ake.”

Ehara i te mea ka oti te panonitanga nui i te pō kotahi, heoi anō, kua whanake te taha ki ngā whakawhanaungatanga ā-iwi mai anō i te nōhanga mautohe o Takaparawhau, otirā, he mana nui tō taua whanaketanga ā-whakareanga, ahakoa pēhea nei te iti, te pōturi rānei. E tūmanako ana a Carlin ki tētahi Aotearoa e whakanuia ai te mātauranga me te reo Māori hei pūkenga, otirā, koia te Aotearoa e pīrangi nei ia hei ao whakatupu i āna tamāhine.

“He rerekē ō aku tamāhine wheako ki te reo me te ao Māori hei tamariki, i ō mātou – he rerekē i ō te kuia, i ō te whānau anō, otirā, kīhai ērā i pai. I āianei nā, e whiti ana te rā, me te manako ia, ka pūmau tonu taua tūāhua.”

Ko te āhua e whakatinanahia ai ngā akoranga ka riro i ia rōpū i te wānanga ki ō rātou wāhi mahi tētahi o ngā wero nui ka oti ana i a rātou te wānanga. Kua takahia e Vodafone tētahi ara e whakaritea ai tētahi anga pakihi e whakarangatira ana i te mātauranga Māori, mai anō i tana whakarewa i tana kaupapa here mō te whakarangatira i te Tiriti i tērā tau, heoi, arā tonu ngā mahi hei whakatutuki ake.

He mea whakaawe nā Te Kaa, nā Thaigan i whakatakoto tāna anō mānuka kia nui ake te whakaruruhautia o te Māori ki te rāngai hangarau.

“Kua kaha titia ngā mātāpono o te whanaungatanga me te manaakitanga ki taku ngākau, me te aha, e hiahia nei au ki te mahi tahi ki taku whānau, ki aku hoa mahi, ki aku hoa kē atu anō, e whanake ai, e pai ake anō ai taku whakatinana i ētahi o aua mātāpono,” ko tā Thaigan.

“Ka ū ahau ki te whakarite i tētahi hōtaka mā ngā kaipūkaha Māori, ka mutu, ka whakapau kaha ahau ki tēnei hei ngā hāora i waho atu o te mahi.”

Jason Paris, Vodafone CEO (Photography: Zico O’Neill-Rutene)

Ka ora tonu i tēnei tētahi tikanga whakaruruhau, whakawhanake pūkenga anō i te whare o Vodafone. Ko tētahi kaupapa pēnei nō nā tata nei ko te tuku i ngā kaiārahi Māori, i ngā kaiārahi Pasifika hoki e mahuta ake ana, ki te kaupapa o Kāwai, he akoranga whakawhanake rangatira e whakahaerehia ana e ngā hoa mōwaho, e Indigenous Growth Ltd. Kua whakaritea hoki tētahi hōtaka whakangungu pia me Te Rūnanga o Ngāi Tahu hei wāhi nō tētahi piringa hoa rautaki i mana i te tau 2020, me ana whāinga matarua kia kaha ake ngā hononga ā-matihiko i waenga i te iwi, kia hanga kanorau ake hoki te rāngai hangarau.

Ki a Precious, ko ngā mahi pēnei i ēnei he wāhi nō te ānga whakamua o te whai māramatanga ki te ahurea Māori, o te mātauranga Māori anō. Heoi, hei tāna, ko te ānga whakamua nei, me he tārere, ehara i te ānau pere. Pēnei tonu i te pararē o ngā reo whakahē o te iti huri noa i te motu mō te tohe kia whai tūru Māori ai ki ngā kaunihera, he nui tonu ngā wā e ātetehia ai te kokenga.

“Kua tupu mārika te hiahia o Tūmatanui ki te ahurea Māori, heoi, ka māmā noa te pēhia whakamurihia atu o taua hiahia. Ka pēhia tonutia atu, nā reira ko tā tātou he tō mai i te rahi ki tēnei taha o te tārere kia kore ai e tawhiti tana piu whakamuri.”

E tūmanako ana a Te Kaa ko te kāhui kua puta kē ō rātou ihu i tēnei wānanga, otirā, ko te kāhui nei e nui haere ana, hei whakapakari i te ānga whakamua o te tārere, kia piu tawhiti ai ki mua. E mātau ana a Precious, mā te tika me te pono o te aro ki te ao Māori e pakari ake ai ā tātou pakihi.

“Ka nui ake te hunga e ngākaunui ana ki te ahurea Māori, ka iti iho te hunga e whai nei kia turakina mātou, ka nui ake hoki te hunga e whai nei kia angitu te Māori – inā hoki, ka angitu ana te Māori, ka angitu ana ko Aotearoa.”

This story was translated by Pae Tū Ltd.

Keep going!

The Vodafone rōpū arrive at Ōrākei Marae (Photographs: Zico O’Neill-Rutene)

PartnersSeptember 14, 2021

How embracing te ao Māori is changing business in Aotearoa

Alice Webb-Liddall

Contributing writer

The Vodafone rōpū arrive at Ōrākei Marae (Photographs: Zico O’Neill-Rutene)

At Ōrākei Marae, Māori cultural competency kaiako from Te Kaa are teaching rōpū from companies across Aotearoa how to positively identify with Māori culture.

Read the te reo Māori version of this story here.

On the famous whenua of Takaparawhau, the land is rich with stories of Aotearoa’s complicated history. Ōrākei Marae is just a short walk from the site of the Bastion Point occupation where, just over four decades ago, Māori fought for their land rights in a protest that lasted more than 500 days. On a sunny day in August, on the marae, a rōpū has gathered to learn just how important these stories are to their identity as New Zealanders, through a programme designed by a wahine who was born into that occupation.

The last of the winter cold has the manuhiri rugged up in the morning air, before the sun starts glistening off the Waitematā. By the time the pōwhiri starts, coats have been either draped over arms or taken back to the car.

At the entry to the marae ātea, a warrior raises his head and begins the wero.

Vodafone CEO Jason Paris accepts the taki laid by Malcolm Kerehoma (Photo: Zico O’Neill-Rutene)

On the other side, Vodafone CEO Jason Paris (Ngāi Tahu) prepares to accept the taki at Ōrākei Marae, leading his group of Vodafone representatives through the process. For some, this experience is new and confronting. It’s the culmination of a five-day course called Te Kaa – Igniting your Māori Cultural Competency, held over the past five months and led by Maurea Consulting, an organisation founded by Precious Clark (Ngāti Whātua, Waikato, Te Uri o Hau, Ngāti Hē, Ngāti Pāoa and Pākehā). The programme is aimed at organisations and is designed to guide people towards positively identifying with Māori culture through learning about tikanga, reo and the rich history of Māori in New Zealand – and encourage them to consider Māori culture within business decision-making.

“Te Kaa is designed to give people access to the Māori world so that they can understand it enough to place it in their hearts, minds and puku. I find that when knowledge is placed in the puku it becomes a part of you and a part of your decision making,” Clark says.

It was while working and living overseas that Clark came to realise how underappreciated her culture was in Aotearoa.

“I went to London and my culture was globally hot, but I came back to New Zealand and it was locally not. I found that people around the world were really interested in it, and when you’re interested in something you’re less likely to destroy it, so coming back home I wanted to be a part of the shift that values Māori culture.”

When she returned to New Zealand Clark made it her mission to showcase the beauty of te ao Māori to the people already living here. She believes there’s a whole world to unlock if people are willing to learn about indigenous ways of life, and it’s a commitment more New Zealanders are making.

“New Zealanders are looking for deeper ways to articulate their identity and our Māori culture has the language for that. Our pepeha allows people to express their unique identity and lived experiences as New Zealanders, so what I see is a real shift in consciousness and in appreciation of Māori culture.”

Maurea Consulting’s Precious Clark and Vodafone’s Tom Thursby share a hongi (Photo: Zico O’Neill-Rutene)

Te reo Māori courses in secondary schools and universities have attracted record numbers of enrolments in recent years. It’s a testament to efforts to grow the numbers of te reo speakers by organisations like Te Rangaihi Reo Māori that are working towards a goal of one million reo Māori speakers by 2040.

Te Kaa has a similar goal: it wants 10,000 people to participate in its cultural competency course, and so far it has guided groups from some of New Zealand’s largest companies through the programme.

The course is broken down into five sections, each taking a day to cover and usually delivered at a company’s workplace before the final session at the Ōrākei Marae. The full day learning about Te Tiriti o Waitangi is one that often surprises the groups that take part.

“New Zealanders, whether they’re Māori, Pākehā, Asian, they’re looking for a place to belong here, and what they find is that the Treaty foresaw their arrival and actually provides them with that place,” says Clark.

The group from Vodafone New Zealand gathered here today comprises senior leaders from across the company, including Jason Paris, CEO, Thaigan Govender, head of mobile access network, and Emma Kelly (Ngāi Tahu and Ngāti Kahungunu), head of HR people experience. In his role Govender is responsible for building and maintaining mobile infrastructure such as cell towers for the Vodafone network. Because of this, his team has worked with iwi to consult on land use many times, but Te Kaa has emphasised the importance of this consultation.

“Looking at it from a point of view that we’re impacting taonga, we’re impacting whakapapa and the environment, so consulting with tangata whenua is vital,” he says.

Govender grew up in an Indian family in apartheid South Africa and he says he’s come to understand the similarities between what he lived through and the experiences of Māori in Aotearoa. The stories told on the course by mana whenua like Clark, who was born during the occupation of Bastion Point, all explained the grim realities of colonisation in ways many of the rōpū hadn’t heard before.

“The leadership style of Māori and looking at the struggles that people have been through really resonated with me,” says Govender. “It got a lot deeper than I expected and from that point of view it drew a lot from me emotionally, because I was always anchored back to the aspect of struggle.”

The wānanga gave Kelly an opportunity to discover a lot about her place in te ao Māori, emphasising the reality that the challenges faced in Aotearoa are not shared equally. We can all play a part in addressing that, she says. Through Te Kaa, she became clearer on her role in helping create a workplace culture that’s not only accepting, but safer and prosperous for Māori employees.

“I’m in the people team, so the way I see our role is holding the space for people to go on their own learning journeys,” says Kelly. “It’s about creating the type of environment at Vodafone where we recognise the importance of that, and give people the space – not just the time out but the emotional and mental support – to be able to go on this journey in a way that’s really powerful.”

During the five days with Te Kaa, groups are taken through five different lessons from te ao Māori covering issues like te Tiriti, with a focus on addressing how mātauranga Māori can help them in their jobs and daily lives. Te Kaa kaiako and facilitator Carlin Shaw (Ngāti Toa Rangatira, Ngāti Koata, Ngāti Raukawa, Tainui-ā-Whiro, Te Waiohua, Taranaki, Te Āti Awa, Te Arawa and Ngāti Whakaue) says more organisations are beginning to recognise the importance of mātauranga Māori in their success.

“If a company like Vodafone is making these massive transformational shifts to embrace te ao Māori in a genuine and authentic way, then it’s really exciting to see who else may flow with it.”

Change doesn’t happen overnight, but there’s been an evolution in race relations since the Bastion Point occupation, and that generational change, however incremental, is powerful. Shaw wants to see a version of Aotearoa where mātauranga Māori and te reo Māori are seen as strengths, and he wants that version to be the one his daughters grow up in.

“Their childhood experiences of te reo Māori and te ao Māori are different to ours – different to their grandma, their whānau, which was not a nice time. The sun is shining now and I’m hopeful that will be the ongoing experience.”

How each group implements what they’ve learnt at the wānanga into their workplace is one of the big challenges as they finish the course. Vodafone’s been making steps towards creating a business model that honours mātauranga Māori since releasing its policy about honouring the Treaty last year, but the work doesn’t stop there.

Inspired by Te Kaa, Govender has set himself the goal of providing more mentoring for Māori in the tech space.

“The values of whanaungatanga and manaakitanga have resonated with me the most and I would like to work with my whānau and work colleagues and friends to grow and become better at practically implementing some of those values,” he says.

“I will commit to creating a programme for Māori engineers and sacrifice my personal time for that.”

This continues a tradition of mentoring and skills development in the Vodafone whare. Another recent initiative includes sending emerging Māori and Pasifika leaders on Kāwai, a leadership development course delivered by partners Indigenous Growth Ltd. An internship programme with Te Rūnanga o Ngāi Tahu has also been developed as part of a strategic partnership formed in 2020, with the dual aims of increasing digital connectivity within the iwi and boosting diversity in the technology sector.

For Clark, moves like this are all part of the forward momentum in Māori cultural competency and mātauranga Māori. But, she says, this movement is a pendulum, not a bell curve. As demonstrated by the recent protests by vocal minorities against Māori seats in councils, progress is often met with resistance.

“There has been a public groundswell where Māori culture is coming into vogue but just as easily that will be pushed back. It will be pushed back, so what we have to do is get enough people in behind the pendulum so that it doesn’t swing back so far.”

Te Kaa hopes its growing list of alumni will be that extra force behind the pendulum, swinging it as far forward as possible. Clark knows embracing te ao Māori will only make our businesses stronger.

“When more people are enthused by Māori culture, less people want to destroy us and more people want to see Māori succeed – because when Māori succeed, Aotearoa succeeds.”

Read this story in te reo Māori, translated by Pae Tū Ltd.